|!! .. اقوى قصـه . حادث صار معي بدباب ماله فرامل . بالعالم .. !!|

السلام عليكم ورحمة الله وبركاته ..



هذه القصه ممكن قبـل 7 سنين تقريباً يومي كنت صغير ..



بسم الله الرحمن الرحيم نبدأ :



كنآ طـالعين للدمـام بالأجـازة .. المهـم كنآ بالهـافمون ( الشاطئ ) المعروف طبعاً بالدمام وكنآ بالظهـر ..



.. وعلى فكره كانو عماني جايين معنآ الدمام وبيجون المغـرب للشاطئ ..



المهم .. قلـت لأبـوي ابغى اركـب دباب .. () قال لا .. وقلت تكفى بس شوي قال ولا دقيقه ..

عاد انا زعـلت مره ورحت عند امي احاول فيها اني اركب دباب .. وهي بعد عيت ..

وحاولت في ابوي مره ثانيه وقال لا كل المكان دبابات وخطر عليك يمكن يجيك شيء ..

وانا زعلت مره وقعدت اصيح اصيح ابغى دباب ابغى دباب الا انا جاء المغرب وجو عماني واتانست شوي..



ورجعت قلت ابغى دباب ..

لانه عماني الكبار ركبوي وانا ابي اركب المهم في الليل قلت لعمي ابغى اركب دباب وقال بكرا بنجي هنا من الصبح وبتركب دباب لانه هذا الدباب خربان مافيه فرامل ما تشوفني ما اسرع ! ( كان يقولها صادق وانا احسبه يكذب )



المهم حااااولت فييه مررره الا ان وافق بس قال لي بشرط انه ما تسرع قلت طيب ما اسرع ابداً



المهم انا ما صدقت اني ركبت دباب وفله وبس ملل ما امشي بسرعه الا ان بعدت شوي عن الاهل وسرعت اقصى سرعه

وفرحان وجيت ارجـع واضغط فرامل وعيا الدباب يفرمل واذا لفيت يمين اخف اصقع الناس وخفت

( وانا اصييح )

انا مدري وش اسوي الا ان لقيت جبل صغير وقلت انزل من الدباب واخلي الدباب يصقع فيه ووقها كانو اهلي يدوروني

المهم توجهت للجبل اللي دقامي ونطيت من الدباب والدباب صقع في الجبل واتشقلب الدباب على الجبل وانا اشوفه

وحمدت الله اني سالم وشفت الدباب مقلوب وخفت ان راعي الدباب يقول خرب .. وعمي جاني وشاف الدباب

وقالي انه كنا ندورك وانت مجنون تسرع وليش وليش و و و !

انا كنت زعلاااان ورجعنا وبعدها ما اركب دبااابااات اببد ..

..



انصحكم والله نصيحه هدبابات خطرة ولا تظنون انها وناسه والله هي طريق الى الموت !

ولا حول ولا قوة الا بالله



{ .. | احـتـراماتـاتـاتـي | .. }



|!! .. نار ثلجيه ... شخـص بهـذا العـالـم .. !!|